sample.txt

ᤛᤣᤃᤣᤒᤠᤴ

ᤗᤳᤌᤡᤰ ᤔᤏᤠ᤺ᤴ ᤐᤡᤳᤆᤠᤖᤠᤶᤔᤠ ᤍᤧᤴ ᤕᤥᤀᤥ ᤐᤡᤳᤆᤠᤖᤠᤔᤡ ᤘᤕᤧ॥ ᤌᤡᤰ ᤕᤧᤴ ᤂᤧᤸᤗᤧ ᤁᤢᤏᤡᤱᤘᤠ᤹ᤀᤥ ᤔᤏᤧᤜᤠ᤹ ᤀᤡᤱᤗᤧ᤺ᤰ ᤔᤧᤵᤔᤠᤛᤡ ᤋᤩᤧ॥

ᤂᤧᤴ ᤌᤣᤏᤠ-ᤌᤣ ᤗᤠᤀᤡᤃᤢᤖ ᤀ᤺ᤰᤋᤧ, "ᤛᤣᤃᤣᤒᤠᤴ ᤋᤩᤧᤖᤥ, ᤜᤤ, ᤛᤣᤃᤣᤒᤠᤴ ᤋᤩᤧᤖᤥ॥"

ᤂᤡᤷᤗᤡ ᤕᤠ᤺ᤶᤒᤰ ᤆᤥ᤺ᤰᤁᤡ ᤁᤧᤘᤠ᤹ᤒᤠ ᤔᤏᤠᤜᤠ᤹ ᤁᤢᤓᤡ᤺ᤰᤔᤠᤴ ᤔᤧᤂᤧᤵᤛᤢᤴᤏᤠᤔᤧᤴᤏᤧ ᤋᤁᤠᤳ, ᤑᤧᤈᤠ, ᤘᤠᤑᤣ᤹ ᤔᤧᤕᤠᤱᤛᤡᤱᤅᤠᤱ ᤂᤧᤴ ᤐᤡᤳᤁᤶᤒᤠᤸᤗᤧ ᤁᤢᤓᤠ᤹ᤛᤧ ᤔᤧᤗ᤺ᤴᤍᤧ ᤔᤧᤗᤥ᤺ᤰᤋᤧ॥ ᤁᤖ ᤂᤧᤴ ᤐᤡᤳᤁᤶᤒᤠ ᤘᤕᤧᤒᤠ ᤍᤧᤴ ᤕᤥ ᤔᤧᤃᤧᤖᤧᤃᤖ, ᤂᤧᤴ ᤀᤣᤖᤧᤖ ᤕᤧᤒᤧ॥ ᤛᤣᤃᤣᤒᤠ᤺ᤴ ᤛᤧᤰᤂᤠᤛᤠᤱ ᤜᤥ᤺ᤵᤋᤧ॥ ᤂᤧᤴ ᤁᤢᤓᤠ᤹ᤛᤧ ᤁᤧᤍᤠᤒᤠᤜᤠ᤹ᤖᤧ ᤂᤢᤴᤇᤡ᤹ ᤛᤠᤰᤁᤧᤴ ᤐᤥᤃᤧ॥

ᤂᤧᤴ ᤐᤡᤳᤁᤶᤒᤠᤸᤗᤧ ᤕᤖᤡᤰ ᤗᤧᤱ ᤜᤧᤰᤁᤣᤗ᤹ᤖᤡᤰ ᤀᤡᤱᤗᤧᤰ ᤔᤧᤳᤋᤢᤛᤡ॥ ᤂᤧᤴ ᤐᤡᤳᤁᤶᤒᤠᤴᤏᤢ ᤂᤧᤴ ᤔᤏᤧᤜᤠ᤹ ᤔᤧᤏᤠᤛ᤻ᤛᤧ॥ ᤂᤧᤴ ᤕᤠᤶᤔᤥ ᤀ᤺ᤰᤋᤢᤖ ᤐᤣ᤺ᤰᤔᤧ᤺ᤴ ᤁᤧᤗ᤹ᤒᤠ ᤋᤱᤜᤢᤵ ᤔᤧᤈᤥᤃᤢ॥

ᤌᤡᤰ ᤕᤧᤴ ᤁᤢᤆᤠ᤹ᤀᤡ ᤗᤳᤌᤡᤰ ᤛᤣᤃᤣᤒᤠᤴ ᤋᤠᤶᤓᤢᤱᤗᤠᤶ ᤜᤢ᤺ᤰᤋᤧᤖ ᤗ᤺ᤴᤍᤧ॥ ᤂᤧᤴ ᤏᤡ᤺ᤛᤢᤀᤠᤱ ᤁᤢᤃᤡᤶᤖᤧ ᤌᤷ ᤌᤷ ᤕᤰᤂᤢ॥ ᤜᤧᤰᤁᤩᤠᤱ ᤔᤏᤧᤜᤠ᤹ ᤗᤧᤵᤔᤠᤱ ᤜᤡᤛᤡᤅᤧᤀᤠᤱ ᤑᤡ᤺ᤰᤋᤧ, ᤜᤠᤒᤧ, ᤁᤖ ᤀᤠᤳᤋᤡᤴᤏᤠᤱ ᤁᤢᤓᤠ᤹ᤛᤧ ᤔᤧᤶᤒᤣᤏᤧᤴ, ᤌᤩᤠᤱᤓᤧᤸᤗᤧ ᤂᤧᤱᤜᤠ᤹ᤖᤧ ᤁᤸᤗᤧ ᤕᤠᤶᤔᤥ ᤀᤡᤱᤗᤧᤰ ᤐᤠ᤺ᤳᤋᤢᤀᤠᤱ ᤀᤠᤄᤢᤶᤗ ᤐᤳ ᤑᤠ᤹ᤀᤠᤱ ᤏᤡᤱᤘᤠ᤹ ᤔᤧᤀᤡ᤺ᤳᤋᤢ॥ ᤛᤣᤃᤣᤒᤠ᤺ᤴ ᤗ᤺ᤴᤍᤧᤀᤠᤱ ᤑᤢᤸᤗᤢᤶ ᤗ᤹ᤖᤡᤰ ᤐᤡᤳᤋᤢᤀᤠᤱ ᤂᤧᤴ ᤐᤡᤳᤁᤶᤒᤠᤴ ᤛᤧᤖᤢᤀᤠᤱ ᤆ᤺॥