restoftexttoinvestigate.xml

<?xml version="1.0" encoding="UTF-8"?>

<div type="textpart" subtype="poem" n="84">
    <l n="1">uilicus aerari quondam, nunc cultor agelli</l>
    <l n="2">haec tibi perspectus templa, Priape, dico.</l>
    <l n="3">Pro quibus officiis si fas est, sancte, paciscor,</l>
    <l n="4">assiduus custos ruris ut esse uelis.</l>
    <l n="5">Improbus ut si quis nostrum uiolarit agellum,</l>
    <l n="6">hunc tu -- sed tento. Scis, puto, quod sequitur.</l>
</div>

<div type="textpart" subtype="poem" n="85">
    <l n="1">Quid hoc noui est? Quid ira nuntiat deum?</l>
    <l n="2">Silente nocte candidus mihi puer</l>
    <l n="3">tepente cum iaceret abditus sinu,</l>
    <l n="4">uenus fuit quieta, nec uiriliter</l>
    <l n="5">iners senile penis extulit caput.</l>
    <l n="6">Placet, Priape, qui sub arboris coma</l>
    <l n="7">soles, sacrum reuincte pampino caput,</l>
    <l n="8">ruber sedere cum rubente fascino?</l>
    <l n="9">At, o Triphalle, saepe floribus nouis</l>
    <l n="10">tuas sine arte deligauimus comas,</l>
    <l n="11">abegimusque uoce saepe, cum tibi</l>
    <l n="12">senexue coruus impigerue graculus</l>
    <l n="13">sacrum feriret ore corneo caput.</l>
    <l n="14">uale nefande destitutor inguinum,</l>
    <l n="15">uale Priape: debeo tibi nihil.</l>
    <l n="16">Iacebis inter arua pallidus situ,</l>
    <l n="17">canisque saeua susque ligneo tibi</l>
    <l n="18">lutosus affricabit oblitum latus.</l>
    <l n="19">At o sceleste penis, o meum malum,</l>
    <l n="20">graui piaque lege noxiam lues.</l>
    <l n="21">Licet querare, nec tibi tener puer</l>
    <l n="22">patebit ullus, imminente qui toro</l>
    <l n="23">iuuante uerset arte mobilem natem,</l>
    <l n="24">puella nec iocosa te leui manu</l>
    <l n="25">fouebit apprimetue lucidum femur.</l>
    <l n="26">Bidens amica Romluli senis memor</l>
    <l n="27">paratur, inter atra cuius inguina</l>
    <l n="28">latet iacente pantice abditus specus,</l>
    <l n="29">uagaque pelle tectus annuo gelu</l>
    <l n="30">araneosus obsidet forem situs.</l>
    <l n="31">Tibi haec paratur, ut tuum ter aut quater</l>
    <l n="32">uoret profunda fossa lubricum caput.</l>
    <l n="33">Licebit aeger angue lentior cubes,</l>
    <l n="34">tereris usque, donec (a miser! miser!)</l>
    <l n="35">triplexque quadruplexque compleas specum.</l>
    <l n="36">Superbia ista proderit nihil, simul</l>
    <l n="37">uagum sonante merseris caput luto.</l>
    <l n="38">Quid est, iners? Pigetne lentitudinis?</l>
    <l n="39">Licebit hoc inultus auferas semel,</l>
    <l n="40">sed ille cum redibit aureus puer,</l>
    <l n="41">simul sonante senseris iter pede,</l>
    <l n="42">rigente neruos excubet libidine,</l>
    <l n="43">et inquietus inguina arrigat tumor,</l>
    <l n="44">neque incitare cesset usque dum mihi</l>
    <l n="45">uenus iocosa molle ruperit latus.</l>
</div>

<div type="textpart" subtype="poem" n="86">
    <l n="1">Non horti neque palmitis beati</l>
    <l n="2">sed rari nemoris, Priape, custos,</l>
    <l n="3">ex quo natus es et potes renasci,</l>
    <l n="4">furaces, moneo, manus repellas</l>
    <l n="5">et siluam domini focis reserues:</l>
    <l n="6">si defecerit haec, et ipse lignum es.</l>
</div>

<div type="textpart" subtype="poem" n="87">
    <l n="1">uere rosa, autumno pomis, aestate frequentor</l>
    <l n="2">spicis; una mihi est horrida pestis hiemps.</l>
    <l n="3">Nam frigus metuo et uereor, ne ligneus ignem</l>
    <l n="4">hic deus ignauis praebeat agricolis.</l>
</div>

<div type="textpart" subtype="poem" n="88">
    <l n="1">Ego haec, ego arte fabricata rustica,</l>
    <l n="2">ego arida, o uiator, ecce populus</l>
    <l n="3">agellulum hunc, sinistra et ante quem uides,</l>
    <l n="4">erique uillulam hortulumque pauperis</l>
    <l n="5">tuor malaque furis arceo manu.</l>
    <l n="6">Mihi corolla picta uere ponitur,</l>
    <l n="7">mihi rubens arista sole feruido,</l>
    <l n="8">mihi uirente dulcis uua pampino,</l>
    <l n="9">mihi caduca oliua, cocta frigore.</l>
    <l n="10">Meis capella delicata pascuis</l>
    <l n="11">in urbem adulta lacte portat unbera,</l>
    <l n="12">meisque pinguis agnus ex ouilibus</l>
    <l n="13">grauem domum remittit aere dexteram,</l>
    <l n="14">teneraque matre mugiente uaccula</l>
    <l n="15">deum profundit ante templa sanguinem.</l>
    <l n="16">Proin, uiator, hunc deum uereberis</l>
    <l n="17">manumque sursum habebis. Hoc tibi expedit,</l>
    <l n="18">parata namque crux stat ecce mentula.</l>
    <l n="19">"uelim pol" inquis? At pol ecce uilicus</l>
    <l n="20">uenit, ualente cui reuulsa bracchio</l>
    <l n="21">fit ista mentula apta claua dexterae.</l>
</div>

<div type="textpart" subtype="poem" n="89">
    <l n="1">Hunc ego, o iuuenes, locum uillulamque palustrem</l>
    <l n="2">tectam uimine iunceo caricisque maniplis</l>
    <l n="3">quercus arida rustica fomitata securi</l>
    <l n="4">nutrior. Magis et magis fit beata quontannis!</l>
    <l n="5">Huius nam domini colunt me deumque salutant</l>
    <l n="6">pauperis tuguri pater filiusque adulescens,</l>
    <l n="7">alter assidua colens diligentia, ut herbae</l>
    <l n="8">asper aut rubus a meo sint remota sacello,</l>
    <l n="9">alter parua manu ferens saepe munera larga.</l>
    <l n="10">Florido mihi ponitur picta uere corolla,</l>
    <l n="11">primitus tenera uirens spica mollis arista,</l>
    <l n="12">luteae uiolae mihi lacteumque papauer</l>
    <l n="13">pallentesque cucurbitae et suaue olentia mala,</l>
    <l n="14">uua pampinea rubens educata sub umbra.</l>
    <l n="15">Sanguine haec etiam mihi (sed tscebitis) arma</l>
    <l n="16">barbatus linit hirculus cornipesque capella.</l>
    <l n="17">Pro quis omnia honoribus nunc necesse Priapo est</l>
    <l n="18">praestare et domini hortulum uineamque tueri.</l>
    <l n="19">Quare hinc, o pueri, malas abstinete rapinas.</l>
    <l n="20">uincinus prope diuers est neglegensque Priapus.</l>
    <l n="21">Inde sumite, semita haec deinde uos feret ipsa.</l>
</div>

<div type="textpart" subtype="poem" n="90">
    <l n="1">Hunc lucum tibi dedico consecroque, Priape,</l>
    <l n="2">qua domus tua Lampsaci est quaque cella, Priape.</l>
    <l n="3">Nam te praecipue in suis urbibus colit ora</l>
    <l n="4">Hellespontia, ceteris ostrior oris.</l>
</div>

<div type="textpart" subtype="poem" n="91">
    <l n="1">Tu qui pene uiros terres et falce cinaedos,</l>
    <l n="2">iugera sepositi pauca tuere soli.</l>
    <l n="3">sic tua non intrent uetuli pomaria fures</l>
    <l n="4">sed puer et longis pulchra puella comis.</l>
</div>

<div type="textpart" subtype="poem" n="92">
    <l n="1">Non sum de fragili dolatus ulmo,</l>
    <l n="2">nec quae stat rigida supina uena</l>
    <l n="3">de ligno mihi quolibet columna est,</l>
    <l n="4">sed uiua generata de cupressu,</l>
    <l n="5">quae nec saecula centiens peracta</l>
    <l n="6">nec longae cariem timet senectae.</l>
    <l n="7">hanc tu, quisquis es o malus, timeto,</l>
    <l n="8">nam si uel minimos manu rapaci</l>
    <l n="9">hoc de palmite laeseris racemos,</l>
    <l n="10">nascetur, licet hoc uelis negare,</l>
    <l n="11">inserta tibi ficus a cupressu.</l>
</div>

<div type="textpart" subtype="poem" n="93">
    <l n="1">Fur notae nimium rapacitatis</l>
    <l n="2">compilare Cilix uolebat hortum,</l>
    <l n="3">ingenti sed erat, Fabulle, in horto</l>
    <l n="4">praeter marmoreum nihil Priapum.</l>
    <l n="5">Dum non uolt uacua manu redire,</l>
    <l n="6">ipsum subripuit Cilix Priapum.</l>
</div>

<div type="textpart" subtype="poem" n="94">
    <l n="1">Non rudis indocta fecit me falce colonus:</l>
    <l n="2">dispensatoris nobile cernis opus.</l>
    <l n="3">Nam Caeretani cultor ditissimus agri</l>
    <l n="4">hos Hilarus colles et iuga laeta tenet.</l>
    <l n="5">Aspice quam certo uidear non ligneus ore</l>
    <l n="6">nec deuota focis inguinis arma geram,</l>
    <l n="7">sed mihi perpetua numquam moritura cupresso</l>
    <l n="8">Phidiaca rigeat mentula digna manu.</l>
    <l n="9">uicini, moneo, sanctum celebrate Priapum</l>
    <l n="10">et bis septenis parcite iugeribus.</l>
</div>

<div type="textpart" subtype="poem" n="95">
    <l n="1">Si uis esse satur, nostrum potes esse Priapum:</l>
    <l n="2">Ipsa licet rodas inguina, purus eris.</l>
</div>

<div type="textpart" subtype="poem" n="96">
    <l n="1">Olim truncus eram ficulnus, inutile lignum,</l>
    <l n="2">cum faber, incertus scamnum faceretne Priapum,</l>
    <l n="3">maluit esse deum. deus inde ego, furum auiumque</l>
    <l n="4">maxima formido; nam fures dextra coercet</l>
    <l n="5">obscaenoque ruber porrectus ab inguine palus;</l>
    <l n="6">ast importunas uolucres in uertice harundo</l>
    <l n="7">terret fixa uetatque nouis considere in hortis.</l>
    <l n="8">Huc prius angustis eiecta cadauera cellis</l>
    <l n="9">conseruus uili portanda locabat in arca;</l>
    <l n="10">hoc miserae plebi stabat commune sepulcrum,</l>
    <l n="11">Pantolabo scurrae Nomentanoque nepoti:</l>
    <l n="12">mille pedes in fronte, trecentos cippus in agrum</l>
    <l n="13">hic dabat, heredes monumentum ne sequeretur.</l>
    <l n="14">Nunc licet Esquiliis habitare salubribus atque</l>
    <l n="15">aggere in aprico spatiari, quo modo tristes</l>
    <l n="16">albis informem spectabant ossibus agrum;</l>
    <l n="17">cum mihi non tantum furesque feraeque, suetae</l>
    <l n="18">hunc uexare locum, curae sunt atque labori,</l>
    <l n="19">quantum carminibus quae uersant atque uenenis</l>
    <l n="20">humanos animos. Has nullo perdere possum</l>
    <l n="21">nec prohibere modo, simul ac uaga luna decorum</l>
    <l n="22">protulit os, quin ossa legant herbasque nocentis.</l>
    <l n="23">uidi egomet nigra succinctam uadere palla</l>
    <l n="24">Canidiam pedibus nudis passoque capillo,</l>
    <l n="25">cum Sagana maiore ululantem. Pallor utrasque</l>
    <l n="26">fecerat horrendas aspectu. Scalpere terram</l>
    <l n="27">unguibus et pullam diuellere mordicus agnam</l>
    <l n="28">coeperunt; cruor in fossam confusus, ut inde</l>
    <l n="29">manis elicerent animas responsa daturas.</l>
    <l n="30">Lanea et effigies erat altera cerea; maior</l>
    <l n="31">lanea, quae poenis compesceret inferiorem;</l>
    <l n="32">cerea suppliciter stabat seruilibus, ut quae</l>
    <l n="33">iam peritura modis. Hecaten uocat altera, saeuam</l>
    <l n="34">altera Tisiphonen; serpentes atque uideres</l>
    <l n="35">infernas errare canes, Lunamque rubentem,</l>
    <l n="36">ne foret his testis, post magna latere sepulcra.</l>
    <l n="37">Mentior at si quid, merdis caput inquiner albis</l>
    <l n="38">coruorum, atque in me ueniat mictum atque cacatum</l>
    <l n="39">Iulius et fragilis Pediatia furque uoranus.</l>
    <l n="40">Singula quid memorem,? quo pacto alterna loquentes</l>
    <l n="41">umbrae cum Sagana resonarint triste et acutum,</l>
    <l n="42">utque lupi barbam uariae cum dente colubrae</l>
    <l n="43">abdiderint furtim terris, et imagine cerea</l>
    <l n="44">largior arserit ignis, et ut non testis inultus</l>
    <l n="45">horruerim uoces Furiarum et facta duarum:</l>
    <l n="46">nam, displosa sonat quantum uesica, pepidi</l>
    <l n="47">diffissa nate ficus: at illae currere in urbem;</l>
    <l n="48">Canidiae dentis, altum Saganae caliendrum</l>
    <l n="49">excidere atque herbas atque incantata lacertis</l>
    <l n="50">uincula cum magno risuque iocoque uideres.</l>
</div>