Lai15.txt

<d 1a>Contre ce dous mois de may,Pour avoir le cuer plus gay,Et plus joli,Et pour celle &grave; qui m'ottri,Vueil faire un lay.Mais comment je le feray,Moult m'esbahi,Car trop petit sens en myPour le faire ay;<d 1b>Ne suis dignes, bien le say,De li loer: c'est le rayQui embeliNous ha tous et esclarcyDou soleil vray,Si que ma fience avraySi ferme en liToudis qu'a s'onneur einsiCommenseray:<d 2a>Dame, digne d'estre honnoureeEt par excellence aoureeDessus toute dames passee,A venir ou presente,De toutes estes separee,Si qu'autre a vous n'est comparee,Ne plus qu'est au feu la fumee,Tant est bele et gente.<d 2b>Dame, Vierge et Mere appellee,En ciel, en terre, en mer loee,En gloire de Dieu couronnee,De joie adresse et sente,Fleur de tous biens enlumineeEstes, dont nostre vie est nee.Beneoite soit la journeeQue porta fruit tele ente.<d 3a>Estes vous, tres bele,Qui estes l'enteleFlourie et nouvelle,Mere, où Dieu, vierge et pucelle,Par deduit,Einsi le cuit,S'engendra, quant GabrielVous dist la nouvelleQui "ave" s'apelle.Ce nous renouvelle,Par vous, Mere, a Dieu ancelle,Car destruitEstiemmes tuitDou pechie le pere Abel,<d 3b>N'estoit cils ou celle,Donsiaus ou donselle,Dame ou demoiselle,Qui n'alassent pelle melle,A grant bruit,Où riens ne luit:C'est enfer, sans riens de bel,Où Sathan revelle,Qui par sa cautelleEt par sa favelleFist perdre nostre querelle,Quant dou fruitDe vie enduitAdam le cruel morsel.<d 4a>Bien fut celee a natureCeste engendreüre,Ceste porteüre,Ceste vierge enfanteüre,Pour ce que la DeitePrist lors humainne figureEn vous, Vierge pure;C'est chose seüre,Car Dieu et homme figureEn une seule unite.<d 4b>Mais onques mais creatureN'endura n'endureDolour si tres dureCom vous, quant mors si obscureOt pour nous l'umaniteDou vray Dieu, car toute injureEt toute laidureOt contre droiture;Mais sa mort crueuse et sureNous ha tous ressuscite.<d 5a>Mais apres ce desconfort,Dame de pris,Heüstes vray reconfort,Quant Jhesu Cris,Fu ressuscitez et visDe ceste mort,Où juis l'avoient misFaussement et a grant tort.<d 5b>Lors Lucifer qui ne dortFu esbahis,Pluto, Cerberus le fortEt Lachesis,Quant Diex prist ses bons amisPar son effortEt d'enfer en paradisLes mist en joieus deport.<d 6a>Mais un escriptTruis qui descriptDe Jhesu CritQu'il convenoit que il souffristPour entrer en sa gloire,Et qu'il venistEt descendistEt qu'il preist,Dame, en vous nostre humain habit.Certes, c'est chose voire.<d 6b>Car il le fitSans nul despit,A tel profitQu'onques mais homs si grant ne vit;Et sa noble victoireNous embelist,Nous esclarcist,Nous enrichist,Si que a joie mors et visMist; tout hom le doit croire.<d 7a>Bien say que sa grief passionVous mist en desolation.Or avies consolationPris, quant vous fist turbationD' "ave" la salutation,Car ce fust l'incarnationDe Dieu et sa conception,Singuliere a droit ditte.Encore vous fist sa nationTres vierge et sans corruptionJoie et la visitationDes pastours de la regionDes trois rois l’adorationVostre purificationEt aussi la destructionDes ydoles d’Egypte<d 7b>Et de Herode l'evasion,De vo chier fil l'invention,Quant par sa disputationMis juis a confusion;D'eaue en vin la mutationFist a vo supplication;Sa digne resurrectionN'est pas joie petite.Son admirable ascention,D'Esperit Saint la mission,Vo glorieuse assumptionEt vostre coronationDont j'espoir ma redemptionMonstrent en ma conclusionQu'estes, par droite affection,De Dieu le pere eslite.<d 8a>Si que juif, par folour,Vivent en trop grant errour,D'une pierre sans liquour.Moÿses faisoitYaue issir qui decourit,Dont un peuple soustenoit;Sa verge en serpent muoit;Ce scevent plusour.<d 8b>Ne porta fruit, fueille et flourUne verge sans humour,Toute seche et sans verdour,Qu'Aaron tenoit:Ce contre nature estoit.Aussi Diex naistre voloitDe vous Vierge et si feroitBien chose gringnour.<d 9a>Et pour ce, sans prendre fin,CherubinEt seraphin,Tuit ange et archangeDou commandement divin,Sans declin,Sont tuit enclin,A vostre loange,<d 9b>Et de Dieu tout li affin,De cuer fin,Soir et matin.Pour ce a vous me rangeQue ne soie, se je fin,Par l'enginMis en hutinDe Sathan l'estrange.<d 10a>He! Vierge roÿne,Estoile de mer,Qui tout enlumine,Vous doy bien clamer,Qu'a joieus termineComment terminerQui a vo doctrineSe vuet doctriner;De grace enterine,Douce sans amer,De bonte racine,Flour qu'on doit amer,Amour vraie et fine,Qui ne puet finerEt qui ne declineNe puet decliner.<d 10b>Fruit et medecinePour tous maus curer,Par tel vertu qui nePorroit empirer,Fonteinne divinePour pechies laver,Rose sans espine,Douce a oudourer,Vous estes la mineQu'on ne puet miner,Quar qui plus y mine,Plus a a miner;Qui a vous s'enclineEt vuet enciner,Il faut que bien fine,S'il ha a finer.<d 11a>De grace riviere et puisQu'espuisierHoms par puisierNe puet nullement,Et de nostre sauvementLe sourt et la duiz,Bien est duisQui ses deduisPrent de cuer entierEn vous servir et prierTres devotementEt souvent,Car vraiementPlus ne voy ne truis.<d 11b>Vierge, vo grace ne puisEsprisierNe trop prisier,Car en un momentCe mil fois plus en descent,Plus de vous ce muis.S'en suis vuis,Je sui destruis,Car, a droit jugier,Vos chiers Fils ame n'a chierSans li; et briefment,Pour ce prentM'ame humblementA vous ses refuis.<d 12a>Et se vostre grace n'ay,Dont je suis en grant esmay,Vierge, mar viLe terme que je nasqui.Las! où iray,Que feray, que devenray?Tout en fermi,Car pas ne l'ay desservi;Pour ce m'esmay.<d 12b>Secondement, mors seray,Se je y fail; mais je metterayTout en oubliPour vous que j'ay po servi.Je penseraiA vous et vous serviray,Se Diex plaist, siQu'il avra pite de mi,Quant je morray.